تاریخ انتشارسه شنبه ۱۹ شهريور ۱۳۹۸ - ۱۴:۳۰
کد مطلب : ۴۰۲۸۴۹
علی شهودی از شاعران کشورمان همزمان با با فرا رسیدن عاشورا حسینی، شعری برای حماسه حسینی سروده است.
۰
plusresetminus

به گزارش بلاغ،علی شهودی از شاعران کشورمان همزمان با فرا رسیدن  عاشورا حسینی، شعری برای حماسه حسینی سروده است. این شعر به شرح زیر است:
ایندی کی تعجیل ائدیرسن گئتمه گه میدانه قارداش
قوی بوغازیندان اوپوم گئت محضر جانانه قارداش
 بو وصیت دور منه زهرا آنامدان لطف قیل  تا 
سون وداعوندا وفا من ائیلییم  پیمانه قارداش
چاتدی باشه فصل وصلین یئتدی  آیریلماق زمانی
آز قالیر گلسین ملک لر عرش ده افغانه قارداش
بیر دعا ائت صبر وئرسین حق منه بو غمده یوخسا
زینبین سنسیز دوزنمز محنت هجرانه قارداش
گئتمه بیر لحظه دایان ای قلبیمین صبر و قراری  
گوشه چشمیله بیرباخ زینب نالانه قارداش
ای منای کوی عشقین تشنه لب قربانی صبرائت     
جانیمی  قربان ائدیم من سن کیمی قربانه قارداش
نئیلسین زینب باجون  گر گورسه ناگه قتلگهده
توش اولوب جسم شریفون خنجر و پیکانه قارداش
ای نجاتین کشتی سینده یئر دوتان اولاد آدم    
هارداسان گل بحر غمده دوشموشم طوفانه قارداش
سنسیز ای آرام جانیم  ووردولار اود خیمه گاهه 
قیزلارین آهو سیاقی قاچدیلار  هریانه قارداش
بیزدن آلمیش دم شهودی یوم عاشوراده سویلر 
دِینووی ائتدین ادا سن دینیلن قرآنه قارداش 
علی شهودی 
۱۹ شهریور ۹۸ عاشورای حسینی /تبریز

 
ارسال نظر
نام شما
آدرس ايميل شما